李嘉欣昨日盛裝出席她任代言人的手表記者會時，自爆早前有男士送她一隻過百萬的手表，雖然對方是她喜愛的類型，但她有感太貴重，自己付錢向對方買回手表，她又不肯透露對方背景。
李嘉欣昨日穿上大露背晚裝出席積家idEALE全新系列女裝腕表代言人記者會，晚裝來自設計師Bonita的剪裁，為怕走光，伊人每步都小心翼翼，她又戴上積家表送贈價值十一萬多的鑽石表，凸顯雍容華貴。
嘉欣為免走光，出場前已做足預防措施，吩咐工作人員替她整理，嘉欣說：「已經叫人睇晒，好多人都伸隻手入去整理過，所以好安全，但係唔可以大動作。」擔任代言人的嘉欣獲贈名表，但酬勞方面她只肯說可觀。
談到手表經，嘉欣擁有的手表中最昂貴是價值七位數字，該手表原本是一位男士送給她的，但嘉欣有感太貴重，最終自己付錢給對方當作買回手表，她又否認該男士對她有追求之意，嘉欣說：「我都想吖，但唔係囉，對方對我應該係朋友嘅感覺，但佢係我鍾意嘅類型。」
嘉欣續說：「不過有時𠱁人開心唔一定要七位數字手表嘅，最近都有人送咗一件自己織嘅冷衫畀我，我好鍾意。」嘉欣不肯透露該神秘男子的背景，只表示與對方沒有可能，因為「timing唔啱」。
此外，早前有指嘉欣為了擔任收身代言人刻意增磅，她否認說：「唔會，我有好多廣告喺身，肥咗就拍唔到。」
採訪：CheokPoFa
攝影：HoKwokHo
