近年好多公司都好「揼本」喺年報設計方面，好似八方噚日收到恒隆集團同恒隆地產本年報，設計就好花心思，打開恒隆地產年報嘅封面，佢哋嘅「傑作」君臨天下「立體」呈現，至於恒隆集團年報封面彈起嗰幢就係位於上海嘅恒隆廣場，一樣係省招牌嘅物業。
咁「凸」出嘅設計，本來值得讚揚，但諗到「羊毛出在羊身上」，恒隆股東唔知點諗？於是向恒隆執行董事吳士元「問罪」，點知佢好得戚話，因為喺大陸印製，每本成本只係三十八蚊，同舊年差唔多，「最重要係有心，做好品質控制嘅工作。」又唔怪得佢咁得戚嘅，據佢講，好多上市公司年報每本成本要成六十幾蚊㗎。
（圖）恒隆執行董事吳士元面前嗰本就係抵佢咁得戚嘅凸出年報。
傳真︰2623-9278
電郵︰