巡迴個唱被讚全中國最好
華仔吼住男歌手獎　勁敵阿Sam

劉德華的十場中國巡迴演唱會前晚圓滿結束，華仔更獲當地一百份報章選為「2004年全中國最好演唱會」及「2004年全中國最火男歌手」。已有三年未獲最受歡迎男歌星獎的華仔坦言今年未敢輕敵，還表示大熱門是歌神許冠傑（阿Sam），自己只是黑馬。

劉德華的十場中國巡迴演唱會前晚於杭州圓滿結束，吸引八萬歌迷入場。

「呢個最好最貴」
華仔表示今次的演唱會，是他歷年來最喜歡的一個，華仔還得到中國文匯新民聯合報業集團旗下的一百份報章頒發「2004年全中國最好演唱會」及「2004年全中國最火男歌手」兩個獎項，華仔說：「以我自己歷年做過嘅演唱會嚟計，唔同時期嘅演出都有唔同感覺，一定要我揀最好，我都會揀呢個，單係製作已經係最好同最貴。」
華仔自○○年後就沒再領過最受歡迎男歌星獎，問他還想不想拿獎，他說：「想㗎，點解唔想？」不過華仔卻覺得今年此獎的大熱是許冠傑，而他與李克勤則只是黑馬，華仔說：「我諗最受歡迎唔代表有首好勁嘅歌就得，而且阿Sam都冇話唔攞獎。」

歌迷衝入後台
前晚華仔在杭州演出，場內歌迷均表現得十分熱情，除有女歌迷突圍台前欄杆欲獻花外，亦有男歌迷拿着鮮花跪地自拍。完騷後歌迷圍着華仔座駕將要駛出的閘門，豈料華仔從另一邊離開，歌迷們等得發慌終推爛閘門衝入後台。對此華仔說：「我希望歌迷喺安全情況嚟睇騷，因為喺唔安全嘅情況做，就算幾熱烈都唔會開心。」