朱茵將於十二月推出新唱片，男友黃貫中（阿Paul）身兼監製一職，面對要求甚高的阿Paul，朱茵一度難以適應，更曾經因為男友的批評而險些落淚。
朱茵將於十二月推出全新專輯，由男友黃貫中親自監製，他更為朱茵作了四首歌，第一首主打歌曲《Ah-oh》就是阿Paul親自作曲，而新曲的主題大多是環繞現代女性不再需要依賴男性，做一個有主見的女人。
朱茵表示當初阿Paul作完該搖滾味十足的歌曲後，她一聽就十分喜歡，不過阿Paul就擔心朱茵難以應付太快的節奏，幸好經過多次錄音後，阿Paul最後對朱茵的表現亦感到滿意，只是身兼監製及男友兩種身份的阿Paul，對朱茵更是毫不留情地加以責備。
朱茵日前接受訪問時說：「初時自己都唔慣，因為佢做監製時個樣真係好鬼惡死同認真，俾佢話完之後真係好唔開心，重差啲喊㖭，不過我知道佢都係想我好啫，如果唔係我都唔會識得進步，佢重話唔滿意就唔收貨，好彩我都過咗關，當然佢回復番男友身份時，自己亦都冇話秋後算帳啦。」
問到兩人是否想過合唱情歌時，朱茵就即說：「真係未有諗過，阿Paul啲音樂才華咁強，自己都未追到，重需要有進步嘅空間，而且我哋嘅風格都唔同，所以暫時唔會考慮住。」
