昨日於黃埔舉行的「新城勁爆唱好新人巡禮2004」中，一眾新人包括吳日言、薛凱琪（Fiona）、官恩娜、劉浩龍及房祖名等，均帶了自己偶像的物品到場，而去年新人獎得主鄭希怡、吳浩康及麥浚龍則現身支持。
今年大會以電話訪問了三百五十人，選出「勁爆新登場男、女及組合」三獎，最後領先的分別是劉浩龍、吳日言及組合PingPung。而大會要歌手互相投選「我最想…發生關係…男、女歌手」（指合作），得獎者則是劉浩龍和吳日言。
問許志安借來「鎖鏈褸」的劉浩龍，對於有眾多女歌手想與他合作時說：「我都知我有女性緣，細個時俾人笑我係肥×，又俾人話我係女人湯圓，可能咁同女性結下不解緣。」而吳日言則謙稱：「其他女歌手又靚又性感，男歌手唔選佢哋可能係怕傳緋聞啫。我對攞獎都有信心，因為今年做咗好多嘢。」
此外，對於有傳Fiona應承公司五年內不拍拖一事，她前晚接受電台訪問時說：「公司冇講唔可以拍拖，不過我都冇時間咁做，但唔會話應承幾多年，萬一遇到真命天子點算？最多低調處理囉！」
採訪：王連連、駱華齡
攝影：仇志德