名模歐陽妙芝和Jessie昨日在金鐘為佳士得2004秋季拍賣會示範多件鑽飾珍品。
新婚重投工作的妙芝表示已開始造人大計,她說:「𠵱家努力緊,因為我哋好鍾意小朋友。近期忙為下個月十五號擺酒做準備。」
妙芝更即時向記者展示請帖說:「拍拖一周年時佢(老公)向我求婚,講咗四句詩,最後一句意思係叫我做『方太』,我即時感動到喊,所以請朋友喺喜帖設計時加埋上去。」
而佳士得拍賣的千萬珍品中,一枚共重五點三八卡的深紫色梨形鑽石耳環,鑲以粉紅鑽石作配襯,估價高達一千萬。
另一枚珍貴的八點零三卡緬甸紅寶鑽石戒指,估價達八百七十萬至一千二百萬元。
採訪:KennethCheung
攝影:MatthewLam