官非纏身嘅美國女歌手葛妮洛芙（CourtneyLove）又再俾人告，今年四月喺前男友屋企涉嫌用致命武器傷害他人身體，前日案件喺洛杉磯初審時，原告人話葛妮當日手持威士忌樽襲擊佢，整傷咗佢左邊面，之後葛妮重抓佢個胸同塊面，搞到佢連牙都甩埋。 葛妮本來想申請免出庭作證，不過法官話事態嚴重，暫准以約一百一十七萬港元擔保，遲吓至上庭。葛妮出庭後表情輕鬆，重話原告人誇大件事。