無綫新聞部三要員羅燦、張志剛同埋謝彩雲齊齊起身不幹，話就話做到十一月底，不過，八方聽聞阿燦嘅班底早已一個一個走人，首先係二十四小時新聞採主陳碧君，佢已經遞信好耐，遲吓去貿發局上班。另一個係國際新聞阿頭姜國元，聽講佢會重返《明報》。
至於唔自己走嘅人，有部份接到口頭通知，叫佢哋準備執包袱，幾時幾日走都講埋。新領導人袁志偉都知道記者係新聞部嘅靈魂，所以特別向啲記者派定心丸，講明記者一個都唔會少，一個都唔會炒，而且重會加人手，聞說趙海珠就會做埋記者。
所以話同人唔同命，無記新聞多年嚟穩佔一哥地位，有咗有線之後，已經有贏有輸，𠵱家重搞單咁嘅嘢，真係影響大。而香港電視新聞，由黃應士一手開創，可惜佢始終唔放心交畀啲後生，結果又退又唔退，你話邊個敢接棒？
傳真︰2623-9278
電郵︰