日韓興啲乜：<br>日本萬聖節光天化日上街搞鬼

日韓興啲乜：
日本萬聖節光天化日上街搞鬼

過兩日就係萬聖節，日本究竟點樣慶祝呢個節日呢？唔似香港夜晚先至嘩鬼出籠，日本光天化日已經搞大型慶祝活動，今年在原宿表參道，重會舉行大規模萬聖節巡遊，小朋友扮鬼扮馬喪玩勁High，睇吓佢哋嘅玩法，同香港又有乜唔同？
記者：張一豪、張銘恩
攝影：蔡鴻雯

萬聖節源於Kiddyland
好多人都知原宿是日本潮流發源地，想不到日本萬聖節都同原宿有關，話說21年前，原宿有間玩具店Kiddyland搞了個小朋友萬聖節化妝活動，當時日本人並不重視萬聖節，參加者多數是外國小朋友，但經過傳媒廣泛報道後，反應非常好，往後幾年的10月31日，全國各地開始慶祝萬聖節，逐漸演變成現在的大型萬聖節巡遊。

日頭巡遊氣氛一流
不似香港蘭桂坊，嘩鬼喪屍女巫鬼怪夜晚才出籠，日本其中一個萬聖節巡遊由「商店街振興組合原宿表參道櫸會」主辦，下午1時出發，歷時45分鐘，遊行路線沿原宿表參道兜個圈，起訖點俱在神宮前小學。日光日白無氣氛？錯！大會規定參加的小朋友除要一身鬼馬裝扮外，還要帶同大聲公、鑼鼓之類的發聲物，一路巡遊一路打鑼打鼓嗌到拆天，氣氛一樣咁High！

■日本之所以重視萬聖節，全拜玩具店Kiddyland所賜。

■幽靈、海盜、魔鬼，小朋友扮鬼扮馬勁搞笑。

商店街辦扮嘢大賽
日本有好多商店街，近年為增加吸引力帶動人流，都會在萬聖節搞「囗裝大會」（扮嘢大賽）之類的特備節目，日本比較早舉辦這類活動的是蒲田商店街，今年已經辦到第14屆，每年吸引不少小朋友參加，有得玩有得獎，冠軍得主可得?50,000（約$3,600），連評審都要化妝出席，參賽者個個絕不欺場。