超人李嘉誠旗下《茶杯》雜誌後台硬淨，喺出版界愈來愈多搞作，最近就出咗本以中學生做主角嘅漫畫《超凡學生》，雖則本公仔書只係以一個讀書唔成嘅中學生談戀愛故事為題材，但就食正近日大學三改四同通識教育熱門話題做宣傳，而幫超人打工嘅兩大才子陶傑同劉細良亦鼎力支持，親臨記者會論盡香港教育制度畸形政策，瞓身做宣傳咁滯。
《超凡學生》由袁兆昌編劇，佢曾獲青年文學獎及中文文學創作獎，川頁和寺健負責畫畫，三個都係年輕人，諗番入行初時做學徒嘅辛苦經歷，佢哋都話今日有機會闖出名堂非常幸運，呢個故事以輕鬆手法探索愛情同教育嘅本質，諷刺香港教育制度，除咗係佢哋心聲，相信亦有唔少香港人共鳴。
（圖）三位創作人話，希望漫畫可以指出香港教育政策問題。
傳真︰2623-9278
電郵︰