香港女童軍周年大會暨周年聚餐噚晚喺金域假日酒店舉行，會長董趙洪娉（圖左）、副會長鍾逸傑同何鴻燊都有出席，大會頒完一輪獎之後，董太就上台同大家講說話。原來喺今年女童軍總會嘅場刊中，有提到董太嘅名句「幫幫手，洗洗手」，董太知道之後好緊張咁喺台上話：「記起沙士時候，洗手真係好緊要，畀青少年知道個人衞生問題，我愈講就愈緊張㖭。」
跟住董太又提到平安鐘嘅問題，佢話：「我自己六十八歲，好快要用平安鐘都唔定。呢個咁好嘅會（女童軍總會），入咗真係唔使出嚟。」八方心諗，可能董太真係太緊張喇．．．
傳真︰2623-9278
電郵︰