多得新濠國際（200）同埋嘉華建材（027）熱炒所致，現時股票凡係同澳門或者賭業有關係，點都可以炒得兩下。
噚日輪到友力投資（674）同麗星郵輪（678）炒呢個大熱概念，前者勁升38％，收0.345元，後者復牌升7.5％，收2.15元。究竟係呢行前途無限，定係有人亂炒一通呢？小初就覺得有多少泡沫，總之就小心為上啦。
至於開宗明義的澳門實德（487），近期股價走勢繼續神勇，噚日又升14.87%，收0.85元，成交股數急增至6494萬股，金額5258.8萬元。
雖然澳門實德曾多次傳出配股冇下文，但經紀陳今次就實牙實齒話為期不遠，重話價錢都定好咁滯，認真信不信由你。
另外，冷門股三商行（990）噚日突然急升16.67％，收4.2仙，雖然成交唔大，只得1532萬股，金額55.66萬元，但陣容就相當齊整。
經紀陳話，三商行搞緊個1供1，每股3仙的供股計劃，聽講股東會已通過，現時只等股東落實參與，所以股價造番好啲。
慕容小初