獲Dior送靚表　自購鑽石歎命苦
舒淇換男友如換屋貪新鮮

舒淇昨日戴上超過六十萬元鑽飾為名店重開擔任剪綵嘉賓，她自言最愛新鮮感，所以經常搬屋，更揚言男友最好亦可換來換去。

法國名牌ChristianDior慶祝金鐘新店重開，昨日邀請舒淇任剪綵嘉賓。舒淇穿上剛抵港的DiorLogoFlowers新裝及迷你裙，戴上共值超過六十萬元的鑽飾，更即場獲Dior亞太區高層PierreDenis送上二萬多元的新表。

贊助服裝唔使還
由於迷你裙太短，舒淇接受訪問時全程不敢坐低。舒淇透露收到利是作酬勞，她說：「Dior對我好好，一直有贊助我，每次出function或者拍戲，佢哋都任我拎衫，冇限額㗎，大部份唔使還㖭。」不過她揚言自己與鑽飾無緣，她說：「我好鍾意鑽石，不過我好苦命，大部份都係自己買。」
提到早前有報道指舒淇秘密搬屋，新居成為她與黎明的新架步，舒淇對此說：「我搬咗好耐㗎啦，冇秘密，我搬得好大方，不過只係租唔買，我好鍾意搬屋㗎。」問她是否為避狗仔隊追訪，她否認說：「唔係，我鍾意有新鮮感，𠵱家俾大家發現咗，我又會物色新地方搬，嚟香港咁耐我搬咗四、五次，搬酒店無數次㖭。」

與黎明同一口徑
問舒淇男友可會一樣要新鮮感？她說：「感情同物業唔同，但係可以換來換去都好，多啲新鮮感。」黎明早前公開表示視舒淇為一世朋友，舒淇對此回應說：「梗係啦！不過感情事唔講喇。」她又否認黎明為她引薦簽經理人，下月初她將會赴韓國拍攝新片《韓國攻略》。
採訪：JessicaNgan
攝影：IpKwanHoi