噚日周街再傳何偉途（圖）會喺下晝三點半放監，搞到成班行家湧到去東莞等佢，但係佢嘅屋企人又冇收到通知喎，連保安局局長李少光都唔知，咁自然就係流料啦！不過咁，民主黨其實好關心佢嘅情況，只係唔方便高調做，佢哋都曾經透過中間人，向阿爺了解過情況，知道會提早放人，但最少都要坐番三個月先可以有機會，數數手指，由何偉途被判勞教計起，到下個月中就剛好夠三個月，所以民主黨估計最快都要等多兩個禮拜，但阿爺做嘢講唔埋，話唔定今日放都唔奇，所以民主黨都有準備，一早聯絡定醫生，等何偉途一返香港，立即會安排佢入醫院檢查，始終身體最緊要嘛。
傳真︰2623-9278
電郵︰