美國大選形勢緊張，民調顯示布殊仍然領先，不過《信報》林行止引述收費網上雜誌《沙龍》指「民調已毫無意義」（zerosense），蓋調查天天有，讀者無所適從也。
「民調」在港，經鍾庭耀事件而「大受重視」，結果係鄭耀宗校長黯然而去，劉兆佳教授學而優則仕，俾董生羅致入中策組。佳叔臨危受命，當然盡其所學，於是中策組可以唔研究政策，卻不可不搞民調，每星期都要有報告交，讓特首同司局長了解民意對政府施政嘅滿意程度。但咁頻密嘅調查，係咪zerosense，八方唔敢妄下判斷，只知道好多人睇都唔睇就放埋一邊。
翻開報紙，見中大亞太研究所（佳叔未入政府時領導嘅機構）發表調查：特首喺市民心目中評分升至49.6，創兩年新高，但港大民調又話特首民望微跌。zerosense點解，真係明喇。
傳真︰2623-9278
電郵︰