陳祖澤話事嘅九巴噚日公布，搵咗已退休兩年嘅前高官蕭炯柱做獨立非執行董事。哥頓蕭同運輸界一直關係密切，八九至九二年佢做過運輸署長，九六至九七年又做過運輸司，今次加入佢曾經直接監管嘅九巴，難免令人諗到利益衝突問題。不過做獨立董事，通常薪酬都唔多，又過咗咁耐冷河，好難講有乜嘢利益輸送。
八方早幾個星期曾經撞到哥頓，佢話退休後好得閒，周圍做吓義工，佢現任老婆原本係AO，但亦夫唱婦隨，一樣提早離開咗政府。反而佢前妻廖秀冬日日同運輸界周旋，日後一個在朝一個在野，有機會交手呢。
傳真︰2623-9278
電郵︰