唐英年率領馬時亨同梁寶榮等三百人代表團噚日去咗天津出席「2004天津、香港周」嘅活動，天津市市長戴相龍佢哋晚上設宴歡迎客人，唐唐致辭梗係客氣一番，講吓兩地CEPA合作前景啦。
唐唐近排心情靚極，三月份預算嘅四百二十六億財赤一定唔會成真，只有少冇多，佢重先發制人，話明要繼續慳家。
八方聽聞，唐唐下月初就開始做新預算案諮詢，𠵱家同立法會方面安排時間，消費稅（官方叫商品及服務稅）嘅諮詢工作會照做，年底份研究報告會如期出台。
（圖）唐英年（左）喺天津贈送一幅木雕畀天津市市長戴相龍。
傳真︰2623-9278
電郵︰