鄭浩南太太尚有三星期便分娩，但她每日仍做四小時運動，挺着大肚子打網球。原來鄭太正忙於寫一本有關孕婦破除中國數千年傳統禁忌的書籍，與其他孕婦分享心得。
鄭浩南（Mark）最近回港為《我和殭屍有個約會III之永恆國度》宣傳後，日前已返大馬陪伴即將分娩的太太Ailyn，阿Mark尚有三個星期就做父親，所以近期心情特別緊張。
阿Mark的太太是馬來西亞華僑，夫婦二人非常反傳統，因為按照中國數千年習俗，孕婦有很多傳統禁忌，例如不可以做劇烈運動、吃生冷食物、家居裝修和坐樓梯等，但Ailyn卻全部做足，並會將自己不一般的懷孕心得寫成書與其他孕婦分享。
阿Mark日前在大馬陪腹大便便的太太一起打網球，在場人士看到身穿兩件頭運動服，露出大肚皮的Ailyn身手依然敏捷，歎為觀止。阿Mark接受電話訪問說：「我哋兩公婆都覺得中國人生BB有太多禁忌，所以我哋想做一個實驗，就係反傳統，做晒所有大肚婆話禁忌嘅嘢後，一樣可以自然順產生ＢＢ後，老婆就會出本叫《WhyChinesePeopleCannot?》嘅書。想喺書入面話畀大家聽，點解中國人唔可以做乜做乜，人哋外國孕婦乜都做得，呢本書會有中英文版本，初步諗住會喺大馬同香港出版，如果老婆唔係順產，咁部書當然唔會出版啦！」
阿Mark答應入產房陪太太生產，而且會將整個過程拍攝下來，他已替女兒改名為鄭喜文，英文名取了一個聖名Jada，阿Mark說：「我係天主教徒，個女梗係要有聖名啦！呢排老婆身體好健康，每日keep住做四個鐘頭運動。早排我去教朋友潛水，佢都有嚟幫我手，雖然佢唔可以潛水，但係佢就喺池邊做助教。」
採訪：魯萍
