日本大堆頭偶像組合morning娘（晨女），喺日本嘅聲勢已經大不如前，比起佢哋當紅時，人氣真係差幾倍，佢哋最近所舉行嘅演唱會度，都發現有唔少空櫈。𠵱家正喺日本舉行緊巡迴演唱嘅晨女，喺上周六表演時亂噏廿四，令人對佢哋更加反感。
上周六日本新潟縣發生六點八級大地震，造成嚴重破壞，當時喺群馬縣舉行緊演唱會嘅晨女同樣感受到震動，演唱會重因為咁而延遲咗二十分鐘先至開始。佢哋表演期間亦先後發生過多次餘震，搞到一班晨女要走番入後台，等咗一排至再上番台表演。
據知當時一班晨女喺後台度，已經有工作人員同佢哋講新潟縣發生大地震，傷亡慘重。不過一班晨女似乎唔多了解事件嘅嚴重性，佢哋一上台就係咁亂噏嘢，其中成員吉澤瞳就同fans講，話係因為佢哋嘅熱情搞到啲熔岩滾晒；佢哋喺台上互相推撞，扮地震走難，又有人用避難嘅事嚟開玩笑，完全冇關心過新潟嘅災民。佢哋輕佻嘅態度，就好似去學校旅行一樣咁，完全冇危機意識，在場好多fans都覺得佢哋好失禮。
當年濱崎步曾經因為喺演唱會對一名傷殘人士講出失禮嘅說話，搞到俾人鬧咗好耐，身為公眾人物晨。