唐英年代特首出巡，到深水埗鴨寮街體察民情，行程緊逼，除了跟市民握握手，領略到「全港最貧」的滋味的機會很低。不過唐英年還有元朗和觀塘兩個地區可以「補飛」，應該爭取入住籠屋和板間房，做特首不會做的事，這個「代特首」才不致做樣，就算是當做戲，也要全場投入，記得連戲，才夠意思。
唐英年落區呼吸貧窮味道，同樣是公子的田北俊則去選美會做評判頒獎。鬥靚養眼過鬥窮，田少可能是最識飲識食識歎的直選立法會議員，當然識揀。揀靚女純粹主觀，但憑個人愛好，各花入各眼，無謂爭拗。但貧窮定義有根有據，數字很殘忍，全港三區被列為最貧，三區居民自然心有不忿。為了平息最窮的怨氣，撫平受了傷害的感情，唐英年落完區後不妨發動全港選區比拼活動，選甚麼都好，就是別提一個窮字。
全港最闊是甚麼區？窮人聚腳點我們知道了，闊佬出沒的地方，問問唐與田兩位公子，就有明確分布圖。最潮的又是甚麼區？銅鑼灣油尖旺打崩頭，最好設雙冠軍。選出全港最惡的地區一定得罪人多，要調查清楚。高票當選的可能是自己屋企，最惡頂的人是父母和另一半。選全港最靚的區，今時今日空氣污染嚴重，幾難揀落手，可以縮窄範圍選最靚的一條街，唔睇後巷，爭議便細些少。選人情冷漠的三甲，全港大反省，但凡有人氣的東西，官商和公子們都是那樣的麻木不仁，唔使審，就是他們住的那一區。