張栢芝昨日到沙田一護養院探訪一班殘疾人士，陪他們遊花園、替他們按摩手臂以及餵食粥。栢芝打算捐約十部可自動升降的電動輪椅，讓他們可以躺着看星星。
前日自日本回港的張栢芝，昨午探訪沙田一間專門照顧殘疾人士的護養院。回港後首次見記者的栢芝，心情非常好，甫到達便向記者打招呼，而且有問必答，栢芝更透露專誠從日本帶來一些玩具獎牌作禮物。
栢芝不但陪殘疾人士行花園、替他們按摩手臂及餵他們食粥，更打算捐十部、八部可自動升降的輪椅給他們，栢芝說：「我同佢哋傾完偈，發覺佢哋最需要嘅係自動升降嘅電動輪椅，等佢哋可以自由啲活動，肌肉都冇咁易萎縮。我希望佢哋可以睇到星星，架輪椅可以四十五度瞓喺度，我希望大家都可以支持吓佢哋，捐幾多都好，買少本雜誌十蚊八蚊都可以幫到佢哋。」
另外，栢芝又談到自己在醫院半年的經歷，她說：「我試過撞車入院，當時都唔知會唔會癱，喺醫院足足住咗半年。所以點都好，最緊要勇敢面對。」
近半年忙於在內地拍攝電影《無極》的栢芝，表示回港後會為新大碟錄音，稍後更會全力投入唱片工作，以及騰出更多時間作公益。栢芝說：「同公司有共識，會放多啲時間喺公益事上，雖然未必幫到佢哋，但等佢哋知有人關心。」
此外，昨日梅媽接受訪問時，踢爆栢芝跟霆鋒仍然藕斷絲連，栢芝一反過往不耐煩，笑笑口說：「我唔係唔想答，亦唔係避忌，不過今日嚟係為咗慈善，所以唔想講埋啲咁過氣嘅緋聞。」
採訪、攝影：何永寧
