佘詩曼昨日以「溫情大使」身份到奧海城出席活動，日前她在馬來西亞自言有七八成機會奪得無綫台慶的「我最喜愛的女主角」獎，餘下的兩三成機會則是黎姿和蔡少芬。
昨日阿佘談到此事時說：「我係有講過自己有七、八成機會，因為十成先係滿，但個獎唔係話志在必得，因為未到最後唔知結果，但信心一定要有。不過我冇講過剩下嘅兩、三成係黎姿同蔡少芬，只係啲記者問我鍾意邊個角色，我答話想做黎姿嗰個，唔好歪曲事實，我唔會咁樣講嘢嘅。」
此外，近日有周刊報道指黎姿成富豪獵物，又指她有車有樓，身為黎姿好姊妹的阿佘說：「你有所不知，做呢行咁耐有樓有車係好正常嘅事，同埋佢咁靚女梗有人追啦。至於我自己都有人追，不過唔係富豪。」