梅媽媽昨在寶蓮寺為亡女愛芳和艷芳設蓮位和舉行誦經儀式，其間提到霆鋒早前指控她講大話一事，梅媽說：「我打電話時佢真係同栢芝一齊，你講句咁嘅說話，講咗要對得住天。」
梅媽媽昨晨在兒子梅啟明及外甥孫陪同下到寶蓮寺，參與「觀音誕重陽大悲懺法會」，梅媽更為兩位亡女梅愛芳及艷芳設了兩個蓮位，其後她又乘坐專車到阿梅位於大佛處的牌位前憑弔一番，當梅媽凝望愛女的遺照時，一度眼泛淚光。
問到梅媽有甚麼話想對阿梅傾訴？她說：「時間都差不多有一年啦，到呢個時候重有乜嘢好講呀？佢放心去啦，唔使掛住啦，總之佢想做嘅嘢我都會做，佢一世做慈善，如果我得到遺產權我會去做。」
梅媽表示近日忙於籌備紀念館及紀念騷，她說：「我希望邊個攞咗啲嘢，就自動自覺攞番出嚟，另外我都需要錢去做嘢，見人、搭車、飲茶灌水都要錢。」
問到慈善紀念騷的嘉賓名單時，梅媽指已交由張耀榮負責，她說：「睇吓啲人係唔係到啦，我自己就想叫華仔、阿倫同學友，安仔（許志安）都有打電話畀我，佢話好忙，我唔怪佢。總之邊個打同唔打電話畀我，我都歡喜，不過我最唔鍾意人哋話我講大話。」
梅媽說到此處顯得頗為激動地說：「霆鋒呀，阿梅點對佢呀？百花膠幾百蚊一樽，你哋睇吓今年有冇見佢哮喘呀？佢起碼食咗十幾二十樽呀。
「我打電話畀佢時，佢真係同栢芝一齊，話我講大話，細路仔唔好講咁多嘢，唔好人在人情在，就算阿梅出錢都要我搵，我唔係要佢講多謝，我幾十歲啦！你講句咁嘅說話，講咗要對得住天，我唔講佢，佢唔好講我，唔可以講大話。」
採訪、攝影：李珮洳
