成奎安（大儍）日前公開患了二期鼻咽癌，昨日到醫院接受電療，他透露電療後有作嘔和脾氣暴躁的情況，稍後大儍會睇中醫調理身體。
成奎安雖然患了二期鼻咽癌，但他仍堅強面對癌魔，近日已開始接受治療。大儍昨日在朋友陪同下到了浸會醫院做電療，離開醫院時，他表示電療後有副作用，感到作嘔，身體不適。
大儍昨日四時多在醫院出現，他表示剛完成電療，問到大儍有否出現脫髮情況？他說：「𠵱家唔會甩頭髮，因為醫療好先進，而且我啱啱至開始電療，不過電療完都唔想食嘢，最慘係成日好想嘔，脾氣暴躁咗好多。」
記者發現大儍的頸上有印痕，看來是接受治療時戴上儀器所造成之故，大儍續說：「你睇我條頸都明顯腫咗，電療完都好攰，好想飲水，我個身覺得好㷫。」
問到大儍最初獲悉有這個病時，是否接受不到？他說：「唔會，呢個病唔係愛滋病，好多朋友都有呢個病，我明白係乜嘢事，會醫番好。」問到其太太是否十分擔心？大儍稍為停頓了一會才答：「屋企人同大家都好支持我。」大儍繼而吸了一口大氣，續說：「呢條路一定要行，我自己有信心。」
大儍又表示自看完西醫後，過幾天就會看中醫調理，他說：「細胞被擊敗後，身體會好虛，所以要中醫調理番身體。」大儍在離開醫院時，再三多謝傳媒和各界的關心。
此外，大儍原本答允出席昨晚無綫節目《全心實踐職安健》錄影，但為爭取更多時間養病，大儍最終辭演節目，由蔡子健取替。
採訪、攝影：娛樂突發組
