葉璇和林文龍等近日拍攝無綫新劇《本草藥王》，因為拍攝檔期緊密，葉璇繼日前被煙熏雙眼不適後，昨日喉嚨發炎，需要請假休息。有消息指有人不滿葉璇「冧廠」，而「金手指」嫌疑犯則是拍檔林文龍。
記者昨日致電葉璇，她在電話中說：「我喉嚨痛到講唔到嘢，個頭又好暈，𠵱家要去睇醫生打針。」對於林文龍涉嫌不滿她「冧廠」，葉璇說：「我唔相信文龍會咁做，大家唔好冤枉佢，剛才我哋先通過電話，佢重好關心叫我好好休息，唔使擔心。大家都知我真係捱到病，唔係假嘅，我都唔想影響進度。」
而林文龍昨日在電話中說：「噚晚同佢開工都知佢病，我都好體諒，病係冇得計嘅，我覺得應該謠言止於智者。」