鄭伊健日前遠赴英國倫敦為Canon拍攝全新一輯廣告，廣告商對已合作三年的伊健十分重視，除了請來一位當地著名的英國華僑導演操刀外，更找來一位相當美豔的model擔任女主角，見到靚女model，伊健亦變得囉囉攣。
伊健笑說：「個女model好靚，一見到佢，個心重諗會唔會同佢有親熱鏡頭，又幻想自己使唔使同女友交代㖭！但係佢化完妝一出嚟，我就好失望，因為佢要扮一隻黑貓，全身髹黑晒，真係美夢破碎！」
已連續三年任Canon代言人，能夠再次合作，伊健笑說：「好開心，酬勞都有加，但唔係淨係講錢嘅，最緊要開心，我哋嘅關係係可以賒貨，好似細個喺雜貨舖買嘢，唔使畀錢住都得！」