真係不得不佩服日本人想像力，古靈精怪產品層出不窮，最近就有公司推出一款「食得過」嘅壽司USBSushiDisk，雖然功能同一般「手指」FlashDrive冇咩分別，外形就夠晒趣怪新奇，造型似足壽司，重一共有5款之多，若果放晒喺隻碟上面，真係隨時呃倒人！可惜受USB設計所限，總要留番個插頭，否則就相當完美嘞！容量方面，標準版會有128MB及32MB推出，已經支援USB2.0，速度方面唔使擔心，不過價錢都幾貴，128MB要成$597（8,200日圓），32MB亦要$497（6,000日圓），唔知會唔會有壽司店買來當做裝飾品呢！
記者：許福合
網址：
