玩數碼相機，當然唔少得記憶卡，數𠵱家最常用又最抵玩者，都可算係CF同SD為主流。
近排逛腦場，發覺呢兩種記憶卡真係食咗瀉藥一樣；好似SANDISK1GBCF就由2個星期嘅$780，下調到今個星期$580；KINGMAX嘅1GBSD就由$999跌到落$790！
如果想買最追近「底」價嘅CF或SD，都係建議去腦場好啲，AV場班Sales話明買數碼相機嘅人，買得機就必買卡，喺皇帝女唔憂嫁嘅情況下，想佢做平比你都幾難；相對腦場鬥價爭崩頭，價位上落當然係敏感好多啦！
講到平！大家唔好以為𠵱家個價已經係見底嘞！據行內人士透露，CF同SD卡嘅價位，大大話話都重有15%下調空間！所以最佳嘅「入貨」策略，就係有需要就先入住一張半張；至於下一輪「谷底價」，應該會喺聖誕前夕出現，有心入貨者留意嘞！
文：DigiMan
《吹吹IT風》以討論及分析熱門IT話題為主，由電腦、數碼相機、手機、AV產品到TVGames，都屬討論範圍，歡迎讀者提出改善建議、討論話題、疑難雜症，谷氣投訴甚至自薦發表文章都得，總之大家多多交流。
電郵：
