曾經同李克勤合作嘅內地青年鋼琴家郎朗，前日喺德國慕尼黑一個被喻為係歐洲古典唱片業界最有影響力嘅「回聲古典音樂頒獎禮」（EchoKlassik）中，獲得「全年最佳演奏家」獎。郎朗亦係繼去年嘅李雲迪後，第二位獲得呢項殊榮嘅中國鋼琴家。
「回聲古典音樂頒獎禮」由德國錄音學院主辦，得獎名單係由BMG、EMI、新力同華納等十八間唱片公司嘅業內人士推選出嚟，可以話係非常之有代表性。除咗郎朗外，今年嘅得獎者個個都係歐洲古典界巨星，今次郎朗攞到「全年最佳演奏家」獎，證明佢喺歐洲古典樂界有一定地位。
（圖）內地鋼琴家郎朗，前日喺德國慕尼黑攞到「全年最佳演奏家」獎。
傳真︰2623-9278
電郵︰