退休咗近四個月嘅中大上任校長金耀基，噚日返中大出席蒙民偉工程大樓命名典禮，八方見金爺容光煥發，佢話𠵱家都唔知幾咁逍遙快活，經常周圍去遊玩，享受人生，下一個行程就係去印度睇建築。
自從幾年前亞瑟王唔做中大校長走去做官後，金耀基就被臨時拉伕做校長，點知搵新校長一拖就拖咗幾年，直至搵到劉遵義接手後，金爺先可以退休，佢任內又係多事之秋，金爺唔想快啲鬆人就假。
講番中大新落成嘅工程大樓，樓高十三層，中大以信興集團主席兼董事長蒙民偉命名，以多謝佢三十年嚟捐錢畀中大。
傳真︰2623-9278
電郵︰