梁漢文（Edmond）昨日到赤柱軍人墳場拍攝新歌《艦隊》MV，今次拍攝花費六位數字，除請來一隊管弦樂團現場伴奏外，更邀得蒙嘉慧（YoYo）擔任女主角，Edmond與管弦樂手同以水手造型示人，十分醒目。
Edmond表示YoYo十年前曾為其歌曲《纏綿遊戲》MV任女主角，他說：「我哋一齊拍戲時，佢講開我先記得，我有問過導演使唔使拍親熱戲，最好可免則免，最後導演話唔使，攬吓就得，佢好攬，我都好攬㗎。」
提到年底樂壇頒獎禮的「最受歡迎男歌手」獎，Edmond說：「我會盡力做好歌手嘅嘢，我今年年中去咗登台，靠年尾努力，今年冇望就等明年，呢個係好好激勵自己嘅方法。」
而YoYo提到與舊男友復合一事，她說：「人哋啲緋聞都係有新男友，我次次都係同舊男友，影到嘅只係我朋友，騷擾到佢唔好意思，離離合合成日都有㗎啦。」
採訪、攝影：張俊銘