立法會重新開檔唔夠一個月，八方就聽到啲新丁呻笨，話原來做尊貴議員唔係好玩，開會又長又悶，非常難頂。咁又係，頭兩次會都開咗成十粒鐘，都幾係嘢。
長毛第一個發難，所以只係參加政制一個事務委員會，湯家驊就發脾氣話冇用㖭，至於工聯會鄺志堅同民建聯李國英都異口同聲話未適應，要時間磨合，所以佢哋都好佩服范太咁好定力，唔瞌眼瞓。
講開周三會議開成日咁長，有好事之人就幫立會「四十五條關注組」嘅四大狀計數，以陳景生收鄉議局劉皇發每粒鐘一萬二千大元優惠價計算，李柱銘、湯家驊、余若薇、梁家傑四人開一個鐘頭會就要收四萬八，開十粒鐘閒閒地要五十萬大元，結果一個仙冇得收，計埋三人即日飛北京來回做超級咖哩啡，更係損失慘重，所以見到班大狀，真係要salute，全靠佢哋同有錢佬服務「叉廚」得貴，所以市民應該多謝佢哋無私嘅奉獻。
（圖）呢幾位大狀身價好貴，開一日會唔見幾十萬。
傳真︰2623-9278
電郵︰