政府公布本港嘅最新失業率係百分之六點八，同對上一季相同；就業不足率就由百分之三點三微跌至三點二。不過，有唔少做開地盤嘅打工仔同大使呻，佢哋近排的確多咗工開，但面對交通費不菲同物價上升嘅趨勢，真係少個錢都好難捱，依然要節衣縮食，免入不敷支。
香港社會服務聯會近日統計嘅資料顯示，本港每一百名兒童當中，有二十五人生活喺低收入家庭，本地貧富懸殊情況嚴重，貧窮兒童人數不斷上升。
因應社會需要，蘋果日報慈善基金過往有資助一些支援失業人士就業、以及弱勢兒童等服務計劃，而喺即將舉行嘅愛心基金撥款行動中，亦會優先考慮一啲能夠直接幫助貧苦及弱勢家庭改善生活嘅服務。
有興趣申請撥款嘅社會服務機構、慈善團體、自助組織等，可以喺十一月十號前，將計劃書寄嚟蘋果日報慈善基金，以便蘋果愛心基金委員會進行審核。
蘋果日報慈善基金已印備「資助社會服務計劃」小冊子，供有意申請撥款團體索取。
電話：29908688
傳真：23702192
地址：九龍將軍澳工業邨西駿盈街八號
暖流熱線
電話：29908688
傳真：23702192
電郵：
網址：