九鐵尖東線噚日正式通車，八方心想最開心嘅應該係九鐵前行政總裁楊啟彥，因為由始至終，佢都係大力話要起尖東線。
楊官可算不念舊惡，主席田北辰請佢去出席開幕禮，佢不但高高興興而來，而且為鐵路最近常有事故辯護，話係要求提高咗啫。八方問佢心嗰一句，佢都話要讚田二少做得唔錯，做得個位有聲有色，特別喺票價方面企得硬。
楊官當年打信和黃志祥工，喺尖東返工，佢已經深感不便，認為有需要將東鐵帶返出嚟尖東，「𠵱家尖東變得四通八達，呢度將來好旺好繁忙啦！」楊官愈講愈興奮，雖然佢嘅身體喺退休之後變差，個腎好唔掂，分分鐘要洗腎，但係佢都不忘為九鐵各樣嘅發展落力，真係工作永遠至上，退咗休都此情不變。
（圖）楊官（左）同田二少和好如初，咬耳仔密斟。
傳真︰2623-9278
電郵︰