老董早幾年成日講香港要發展高科技，都只係得把口，但近日真係有香港公司成功研發一種超級電腦，喺北京人民大會堂首次介紹，真係唔嘢少。發明公司係香港上市嘅蜆壳電器工業集團旗下公司，名為「蜆壳星盈超級刀片電腦」，佢嘅運算能力可達到每秒五十五至一百萬億次，較現時世界排名第一嘅日本NEC超級電腦每秒三十三萬八千六百億次快好多。
點解叫刀片電腦，原來主要部件係採用刀片設計，每個形狀好似刀片嘅零件就係一個獨立嘅運算服務器，所有刀片可以同時並行協同工作，刀片數量可按應要求增減。蜆壳工業創辦人翁祐今年五月因患老人病厭世而自殺，冇機會親眼睇到大仔翁國基今次成就，真係有啲可惜。
傳真︰2623-9278
電郵︰