【本報訊】赤柱監獄新任總監督單日堅上任近三個月，嚴打監獄賭博活動，今年截至本月中已在該監獄檢控四十名涉賭博違紀囚犯，超出去年全年的總數，令囚犯不滿，其中一百多人上月底醞釀絕食抗議，獄方接獲線報後及時制止這場監獄風暴，並拘捕六名滋事囚犯。單日堅揚言，會繼續加強突擊掃蕩違紀活動，絕不手軟。 記者：謝明明
四十六歲的單日堅今年八月接替年初被重犯襲擊的鄭文偉，成為赤柱監獄「一哥」。他接受訪問時承認，上任至今先後進行多次突擊掃蕩監獄賭博行動，今年至本月十三日為止，已進行一百七十四次搜出涉賭博違禁品行動，檢控四十名囚犯，超出去年全年三十二名囚犯被檢控的總數（見表）。
他不諱言，行動引起囚犯不滿，部份囚犯採取不合作態度，如不向巡倉的高級人員打招呼，獄方更接獲線報指，有人煽動一百多名囚犯絕食抗議。「我哋上個月尾一接到線報後，即刻調查，並抽出兩名滋事囚犯，同埋抽出四名負責做莊家嘅囚犯，將佢哋單獨囚禁，成功制止咗呢場絕食行動！」
他稱，目前監獄內常見的賭博主要是啤牌、牌九、賭波及賭馬等，曾擔任赤柱監獄保安高級主任達十一年、專責搜集情報的單日堅表示：「呢度好多犯都熟口熟面，而且我做開搜集情報，知道晒啲犯嘅蠱惑嘢，好似佢哋通常會利用喺工場嘅休息時間匿埋喺啲工場暗角位賭錢，所以我哋會專揀呢段時間進行突擊巡查。」他稱，個別囚犯是活躍莊家，主要以香煙作賭本，或由家人代還賭債，但因獄方暫未有足夠證據交警方調查。
單日堅又說，其實不少重犯都有人性的一面，「有個犯見到自己個仔犯咗事入咗嚟（監獄），佢對我講話好懊悔，覺得自己當年冇好好咁教個仔，令個仔步佢後塵，我聽到之後亦都感到遺憾！」對於今年初襲擊赤柱監獄前「一哥」鄭文偉的重犯何毓桓，近期先後兩次企圖自殺，署方已加強對他輔導。