民建聯噚日搞集思營，雖然主席馬力接受緊結腸癌治療，據說噚日都由朝坐到晚主持會議。民建聯常委同所有立法會議員都有出席，除咗一個，就係成日傳退黨嘅陳婉嫻，不過嫻姐缺席民建聯聚會都唔算新聞。
聽講劉江華喺會上爆響口，話不如建議同政府合作搞培訓，派民建聯成員加入政府做政務助理，協助政策制訂過程。不過有人異議，話建議涉及公務員編制，實行起嚟都唔易。咁又係，如果政府畀得民建聯第二梯隊做政務助理，民主黨、民協又會嘈話大細超，如果全部畀晒，又何來有咁多位？重要畀民主派深入政府心臟重地，重得了！
民協噚日都搞集思會，主席馮檢基會後話，計劃喺立法會組成一個鬆散嘅民生聯盟，答應咗嘅有劉千石、梁耀忠、李卓人同張超雄，希望再搵多一、兩位。
傳真︰2623-9278
電郵︰