鄧萃雯日前接受港台《舊日的足跡》訪問，談到曾與有婦之夫江華傳緋聞，她說：「可能我太需要愛，所以好自私，又可能太相信人哋真係愛我。其實我唔可以做到第三者，因為我喺破碎家庭長大，所以我更加唔會令人家庭破碎。」
被問到臨崖勒馬是否很痛苦時，雯女說：「一個人辛苦好過人哋一個家庭受傷害，我以後都唔會再做，因為最大受傷害嘅係自己，最後乜都冇嘅都係自己。」
此外，江華昨在奧海城宣傳劇集《楚漢驕雄》，問他覺得雯女在《金枝慾孽》中表現如何？他說：「好到不得了，不過我冇睇，佢不嬲做戲都好。」問江華會否致電恭喜鄧萃雯被現場觀眾選為「我最喜愛的女主角」，他說：「我冇佢電話，你哋有冇呀？使唔使我𠵱家打呀？」
採訪：卓美娟