呢輪各司局長輪隊落區,差不多日日新款。八方聽聞工商及科技局局長鬍鬚仔曾俊華今朝早會去天星碼頭探班,睇吓一套有三分之二外景喺香港拍攝嘅法國電影嘅拍攝過程是否順利?
咁啱得咁蹺,呢套法國片叫做《mouspache》,中文即係「鬍鬚」,即係鬍鬚仔睇「鬍鬚」啦。點都好,間公司係得到電影服務處嘅幫助,喺中環、西貢等地取景,特區政府梗係提供咗好多方便啦。
講開巡區,其實本來冇乜新意,但係老董話做,誰敢不從,何況呢樣嘢如果唔係勞師動眾,亦可以有助直接溝通。
近日政府要慳家,八方聽聞馬時亨已經向三司十一局發出財政封套,叫大家睇餸食飯,唔好亂咁花錢。
傳真︰2623-9278
電郵︰