被譽為「香港良心」嘅前政務司司長陳方安生，噚日又做善事嘞，佢出席一個叫「小燭光」危疾援助基金嘅成立典禮，重親身呼籲社會各界善心人士捐多啲善款，幫吓啲有經濟需要嘅病人㖭。
講到危疾，原來陳太都好注重健康。陳太話喎，一個人即使工作幾忙，都唔可以二十四小時都掛住做嘢，要識得消遣同運動，重要保持均衡飲食。好似佢咁，𠵱家一個禮拜就做五個鐘頭運動，例如跳健康舞同耍太極咁，而佢平時食嘢都好清淡，唔鍾意油膩同太甜嘅食物。原來係咁，唔怪得陳太成日都咁精神，重四萬咁口啦。
（圖）陳方安生（右）噚日出席「小燭光」危疾援助基金成立典禮時同梁智鴻鬼咁好傾，唔知係咪分享緊健康之道呢？
馬泉崇攝
傳真︰2623-9278
電郵︰