萬聖節重有一星期咋，小朋友奉旨扮鬼扮馬，根據傳統習俗，重可以威迫大人請吃糖果，是真正屬於小朋友的節日。過去幾日，日間已經見到一隻二隻小魔鬼、吸血殭屍、蝙蝠俠走入學校，留心睇吓，原來係學校搞萬聖節化裝派對。心郁郁帶埋小蘋果入玩具反斗城開派對，大家玩了不久就玩到失控，可憐魔鬼姐姐同後面塊布景板，經受7.5級大地震。
記者：小辣椒
攝影：光頭神探
今次的派對大玩萬聖節主題的遊戲，最初小蘋果人人斯斯文文，自我介紹時非常有禮貌，抵讚！但歡樂氣氛傳染得特別快，剛剛分開兩組玩第一個遊戲「化裝比賽」，大家已經頭碰頭，肩碰肩，老友鬼鬼。到了第二個遊戲「猜謎語」，笑聲和腳踏聲，差點把舞台踩爛！舞台「地震」一直持續至玩完第三個亦係最後一個遊戲「糖黐豆」，直到最後派禮物和糖果的時間，大家叫完「Trickortreat」，終於回復正常。
當魔鬼姐姐宣布「化裝比賽」開始，兩組小蘋果的代表在揀選服裝環節，都做得好好，快手快腳爭取時間化妝。不過可能舞台化妝品較乾和較硬，亦可能是小蘋果年紀太細，缺乏化妝經驗，接受化妝的兩位女小蘋果，最後都不幸變成身穿靚衫的污糟貓，似足被貓抓傷了幾條淺紅色的血痕。仙女變污糟貓，巫婆又變污糟貓，最終魔鬼姐姐宣布巫婆憑創意勝出。
當化裝大賽完畢，小蘋果各自揀選心水靚衫，衍峰同KinFung同時睇中蜘蛛俠戰衣，最後衍峰輸咗，失落地走去扮Q版吸血殭屍。人屍大戰在第二個遊戲「估謎語」進入最後激戰階段，衍峰和KinFung分別估中多條與萬聖節有關的謎語，淘汰其他小蘋果。
很快嚟到最後一個遊戲「糖黐豆」，這個遊戲好考反應，當魔鬼姐姐講出一個數目字時，小蘋果要立即根據那個數目抱住其他小蘋果，反應慢就要Out！這個遊戲對於身材高大的大哥哥浩堅和大姐姐朗琪最着數，攬着其他小蘋果，就好似母雞護着雞仔，有勝無輸！
