大班可能冇做節目一排，鋪鬧人癮發作，噚日喺港台二台「Teen仔樂園－好人好事嘉許禮」，佢負責頒獎畀天主教普照中學、瑪利諾中學幾位學生，佢哋年初一嗰晚喺鯉魚門海邊，救起自殺女士；未講鼓勵說話，大班劈頭一句就訓話佢哋：「夜晚一點幾重喺度燒嘢食？第日唔使返學咩？咁夜治安唔好，好危險㗎！」
幾位小英雄被一輪搶白，都十分尷尬，即刻解釋話第二日係假期，所以玩夜啲，老師都忍唔住幫口，話佢哋有個同學住喺附近，所以一齊去佢屋企隔籬海灘燒嘢食。大班笑笑口：「可能我同年輕人有代溝，我個仔都唔係好敢同我講嘢。」大班，有時同年青人講嘢，真係要放下身段，試吓了解佢哋。
傳真︰2623-9278
電郵︰