新一代食神梁文韜喺元朗無人不識，估唔到去到馬鞍山都大受歡迎，仁愛堂都搵佢做生招牌，噚日請韜韜去馬鞍山搞簽名義賣食經活動，唔少為食市民排隊要韜韜簽名。除咗賣書，韜韜原來推出咗唔少紀念品，生意咁好，噚日就即場捐出二萬蚊，仁愛堂果然有眼光。
仁愛堂係新界西龍頭慈善福利機構之一，不過近年經濟環境唔掂，人人手緊，仁愛堂籌款都要衝出新界西，去到新界東馬鞍山撲水，主席蕭楚基今年度咗條新橋，以「商業翹楚顯仁愛」為名向商界揼心口，蕭主席長袖善舞，佢開到聲搵人做善事，相信冇乜老闆會托手踭啩。
（圖）梁文韜義賣新書同紀念品，幫仁愛堂籌款，唔少市民搵佢簽名同合照。
張家俊攝
傳真︰2623-9278
電郵︰