近期，韓國車廠表現積極，無論新車造型設計、裝嵌手工同配套，水準都經已拍貼日本汽車王國的出品。加上以價廉物美作招徠，更深得北美同歐洲用家追捧；相對細如塵粒的香港市場，一眾韓國汽車代理，仍以吸引的售價作招徠。早前，起亞（Kia）及現代（Hyundai）更分別在港推出新一代迷你CityCar的Morning及CitySUV車Tucson，均賣個滿堂紅。不過據筆者打探所知，由於兩款車海外市場均見供不應求，所以廠方遲遲未能有新車附運到港；當中，影響至深要算是一班起亞Morning準買家。由於代理未能準時交車給客，更出現退訂情況，又難怪韓國車在港銷售，始終趕不上日本車。其中車廠是否重視本地市場，可謂不無關係呢！
記者：陳偉林