郭富城昨日在九龍灣國際展貿中心，為下星期舉行的演唱會綵排，並展示個唱的舞台模型，又風騷地獻唱及打鼓。
城城透露在演唱會上將有超性感演出，他說：「張叔平幫我設計咗一件超性感嘅衫，我從未試過咁性感，到時會喺最尾一個環節着，係感覺上嘅性感，但呢套衫一定要夠瘦。我𠵱家瘦咗十磅，好想之後影寫真集留念。」
另外，城城邀請了三個排舞師，其中一名更是他心目中的「top3」排舞師，他說：「嗰個排舞師特登為我而出山，佢咁有誠意令我好感動。今次重請咗城市當代舞蹈團同我跳一part舞，第一次同佢哋合作，希望可以擦出火花啦！」
採訪：王連連 攝影：葉君海