黃家強早前拍攝《殺戮戰場》MV，日前他接受訪問時形容在MV內與去屆港姐亞軍楊洛婷及楊怡胞姐楊卓娜有很激的演出，所謂「好激」原來是他與楊卓娜有嘴對嘴場面，而在意識上亦頗大膽，最後兩位女主角更一齊追殺家強。
家強說：「我應導演要求嘴對嘴，大家因為有身體接觸，我都有顧忌，怕做咗鹹豬手呀，冇理由英明一朝喪㗎。」
家強在MV內與女主角有親熱鏡頭，而且更是打孖上，家強表示在現實中他的感情也經常打孖上，他說：「真係好討厭，好多次都係咁，當我有段姻緣到嗰陣時，就會遇到另外一個，其實我唔想一腳踏兩船，係被迫㗎，如果我揀定咗，就會老實同佢哋講，自己最驚都係會揀錯啫。」
家強更自爆現時有一心儀對象，不過問到是否圈中人時，他就故作神秘說：「唔知呀，總之唔講啦，你哋唔好破壞我，我好耐冇拍拖，都想有個伴。」