行政會議成員梁振英嘅公眾形象認真麻麻，就連范太都唔畀面佢，早排無喇喇踩佢兩腳話佢唔適合做特首。振英哥噚日終於忍唔住反擊。佢推測好多人對佢唔多友善，可能因為覺得佢係第三任特首大熱，影響咗其他人出線嘅機會，佢聲稱呢啲情況喺中外都係一樣，有人想射佢落馬「完全唔出奇」。
商台噚日訪問振英哥。佢話唔係自己封自己做大熱門，只係外面嘅人咁講喎！佢重提醒啲諗住要選特首嘅人要快啲預備，因為剩番嘅時間唔多，社會除咗估領袖，都應該花啲時間諗吓，香港究竟要咩嘢人做特首。
振英哥好少咁坦白講特首選舉，唔通佢想改變捱打嘅局面，話畀人知佢冇咁易俾人射落馬？
傳真︰2623-9278
電郵︰