八方喺中環遇到大班鄭經翰，尊貴議員是日非常之High，又冇人俾佢鬧，點解咁高興呢？原來係因為喺立法會成功打響第一炮。話說星期三立法會討論公共地方全面禁煙，大班修訂嘅議案，除咗張宇人等三人之外，獲得全場四十七票支持，即係各黨各派一齊贊成佢咁話。
大班當選後講過，自己可以做民主派同商界橋樑，睇落又並非車大炮。但啲同僚咁畀面，佢仍然唔滿意，事關辯論當時，議事堂內人丁單薄，呢種情況過去好常見，主席都未必理，但大班竟然投訴，要Call啲議員返嚟開會，搞到人人以為唔通又嚟多次「偷襲」事件。
提起呢件事，大班即刻嚴詞厲色，好惡咁話：我係全職議員，實睇住邊個唔開會㗎！
傳真︰2623-9278
電郵︰