特區政府噚日朝早喺中環大會堂紀念花園舉行儀式，悼念一九四一年至一九四五年間喺保衞香港戰事中捐軀嘅英烈。署理行政長官唐英年、全國政協副主席霍英東、行政會議成員、立法會議員、原東江縱隊港九獨立大隊成員同退伍軍人代表都有出席，向烈士獻上花環。
儀式好莊嚴，高官同議員都着晒黑沉沉嘅衫出席，儀式期間，各人亦相當嚴肅。不過儀式一完，大家忍咗咁耐，即刻打回原形，太子章同孫公吱吱噚，尾隨嘅林公公唔知因乜事面露笑容。立法會議員民主派嘅卿姐同何俊仁、自由黨嘅周梁同劉健儀亦各自雞啄唔斷，自由黨兩位阿姐重傾得好開心吓，似乎都忘記咗為乜事嚟到大會堂紀念公園咯。
傳真︰2623-9278
電郵︰