《金枝慾孽》主角黎姿及鄧萃雯，前晚聯同Moiselle代言人蔡少芬等擔任模特兒出席時裝展，鄧萃雯未有透露會否成為該品牌的代言人，而打扮最性感的黎姿則表示今年內會有定案，不過蔡少芬則揚言毫不擔心地位遭取代。
劇集《金枝慾孽》深受歡迎，兩位主角黎姿及鄧萃雯前晚聯同蔡少芬、伍詠薇、原子鏸、古巨基及模特兒Rosemary、LisaS.及樂基兒等，在金鐘港麗酒店出席「Moiselle04秋冬時裝表演」，當中以「玉瑩」黎姿的晚裝最性感，她穿上超短裙谷胸上陣搏到盡，而「如妃」鄧萃雯亦表現得十分興奮，至於最受歡迎的則是擔任了七年代言人的蔡少芬。
鄧萃雯自言首次出席如此大型的時裝騷，她說：「聽到咁多掌聲好high，今次酬勞好滿意。」那麼該品牌有否邀請她出任代言人呢？鄧萃雯說：「呢啲唔好講啦，講出嚟唔公平。」記者指鄧萃雯近期豬籠入水，她即說：「唔好成日計呢啲啦，𠵱家搵錢都唔夠亞視時搵得多，但當時錢多個人空虛，明明唔係好鍾意又走去買層樓，又買好多名牌衫，我都唔着好浪費，反而𠵱家有好多新嘗試覺得充實。」
打扮性感的黎姿表示自己有打底，所以不怕走光，她說：「件衫係特別為我設計，佢哋話贊助我任攞唔嬲。」問黎姿可會取代蔡少芬出任代言人，她即詐嬌說：「我唔知呀，呢啲嘢問老闆啦，應該今年之內有結果。」
蔡少芬的代言人地位雖然受到威脅，但仍信心十足，她說：「我哋七年賓主合作得好開心，上年夠話張栢芝取替我啦，謠言止於智者，真係先算啦，就算係真都可以並存嘅。」記者指黎姿的衫比她更搶鏡，她說：「我覺得自己都好OK喎，呢個已經係我性感嘅極限，都好靚，大家唔同style。」
採訪：楊潔雯 攝影：何國豪
